مذيع قناة الأهلي ينتقد تعيين على محمد علي معلقاً على مباراة الأهلى ومازيمبى

انتقد الإعلامى محمد فارس المذيع بقناة النادى الأهلى تعيين المعلق الرياضي على محمد علي معلقاً على مباراة الأهلى ومازيمبى غداً الجمعة.

ويلتقي الأهلى مع مازيمبي الكونغولي غداً الجمعة على أرضية ملعب استاد القاهرة ضمن إياب الدور نصف النهائي من بطولة دوري أبطال أفريقيا.

واعلنت قناة بى إن سبورت إسناد مهمة التعليق على اللقاء إلى المعلق علي محمد علي، لينتقد محمد فارس وشريحة كبيرة من جمهور الاهلي هذا الأمر.

وعبر صفحته الشخصية على فيسبوك كتب محمد فارس منتقداً قائلا،

‏ممكن أتفهم ان قنوات مجانية غير مشفرة تختار معلق الجمهور مش حابه بمبدأ إن البث مجاني . انما مجموعة قنوات bein sports المشترك بيدفع ارقام مالية كبيرة جداً عشان يستمتع بفريقه وعشان تتوفر له الخدمة . 

مش منطقي ولا مقبول انك تعسفني وتعكنن عليا وتفسد متعتي بمعلق انت عارف كويس ان الجمهور عنده مشكلة في تعليقه على مباريات الأهلي .

 انت نفسك كقناة بتشوف رد الفعل الايجابي لما بيتم تعيين معلق غيره حتى لو مش مصري عشان يعلق على ماتشات الأهلي وبتشوف التغني بالشوالي وحفيظ دراجي والبلوشي . 

ده احنا استمتعنا بتعليق رؤوف خليف في نهائي الاهلي والصفاقسي ٢٠٠٦ وطرف المباراة من تونس يعني بلد المعلق ولحد دلوقتي حافظين كل كلمة قالها في وصف هدف تريكة فمفيش مبرر لاستمرار الوضع ده بصراحة

انت المفروض يكون تفكيرك ازاي تخلي المشترك بتاعك اللي بيدفع فلوس يستمتع مش يكتم الصوت 🔇 ويكره حياته