الاهلى وسيمبا والصعود الصعب : تعليق الاعلامى محمد فارس .. ويحذر من صن داونز

علق الاعلامى محمد فارس المذيع بقناة النادى الاهلى على صعود الاهلى اليوم الى الدور نصف النهائى من بطولة السوبر ليج الافريقى.

مباراة الاهلى وسيمبا

وبنتيجة 3-3 فى مجموع المباراتين، صعد النادى الاهلى الى الدور القادم، حيث التعادل فى تنزانيا 2-2، والتعادل هنا فى القاهرة 1-1.

الاهلى صعد بمجموع المباراتين 3-3، بـ أداء غير مرضى لجمهور الاهلى، الا انه فى النهاية صعد ليعلق محمد فارس على هذا الصعود.

تعليق الاعلامى محمد فارس على مباراة الاهلى وسيمبا

وعبر صفحته الشخصية على موقع “إكس” تويتر سابقاً كتب الاعلامى محمد فارس معلقاً على مباراة الاهلى وسيمبا :

بعد الماتش اللي فات قولت انا مش سعيد ابداً بالنتيجة ولا راضي عن اللي اتقدم وان مفيش اي مبرر انك تضيع الكم ده من الفرص وتستنى لماتش العودة وانت كان سهل جدا تحسم صعودك

انهاردة كان سهل جدا نخرج من البطولة وتبقى خسرت فنياً وخسرت مالياً وتبقى دفعت ثمن الاستسهال هناك قبل هنا

انهاردة درس مفيش حد كبير على الكورة ولما افتكرت انك كبير عليها ضيعت بطولة السوبر قدام اتحاد العاصمة

لو قدام صنداونز ناويين نلعب بالمستوى الدفاعي السيئ ده ك فهنواجه كارثة ولو ناويين منستغلش نص الفرصة قبل الفرصة يبقى هنحط نفسنا في موقف صعب

انهاردة ربنا كرمنا والله عشان الجمهور الغلبان اللي دفع من جيبه عشان يساند اخواته وربنا حب ميروحهمش زعلانين .

ماتش صنداونز محتاج الفريق والجهاز الفني يعرفوا ان السنة اللي فاتت اللي نسى الناس هزيمة صنداونز هو تحقيق اللقب انما المرادي مش هيبقى فيها اعذار