رسالة قوية من معتز الشامى لمجلس إدارة الزمالك
وعبر صفحته الشخصية منصة فيسبوك كتب معتز الشامى موجهاً رسالته لمجلس الإدارة البيضاء قائلاً
رسالة قوية من معتز الشامى لمجلس إدارة الزمالك، وجه الناقد الرياضي معتز الشامى رسالة إلى مجلس إدارة نادي الزمالك برئاسة حسين لبيب فى ظل الأزمة الحالية والحديث عن خوض مباراة سيراميكا كليوباترا.
معتز الشامى طلب من الإدارة الاستمرار في موقفها وعدم خوض اى مباريات في بطولة الدوري حتى تتحقق كل مطالب الزمالك.
وعبر صفحته الشخصية منصة فيسبوك كتب معتز الشامى موجهاً رسالته لمجلس الإدارة البيضاء قائلاً،
– هيساومك على أفريقيا … مش عايزينها
– هيهددك بهبوط (قوله جمهور النادي بالكامل معانا ومبسوط ويا مرحب بالهبوط ، أقله نرتاح من العك)
– هيقولك هخصم نقاط .. قوله مش فارقه .. ومش هلعب إلا بتنفيذ المطالب و انتهاء الدور الأول أولا
– يهددك بالحل .. قوله همشي أنا و المجلس راسنا مرفوعة .. والتاريخ هيسجل عليكم أننا حاولنا نصلح
– هيكلمك عن الرعايات / قوله مش عايزين .. اساسا بترموا الفتات للزمالك وأقل من الفتات لباقي الأندية.. و(( بناقص منه )) نسّوق أحنا مبارياتنا و نبيع حقوق الزمالك بنفسنا ( الله الغني) وهنحقق دخل أكبر كمان
– تمسك بالتصعيد .. اطعن على قرار خصم النقاط و لاحقا روح “كاس” هتأيد موقفك .. وشكوى لفيفا بالتزامن
الخلاصة:
– التراجع في نصف الطريق .. خيانة
و انتكاسة تعني خسارة كل شيء
– اسأل أي زملكاوي هيقولك كمل .. لحد ما المنظومة تحترمك (أفرض احترامك عليهم بنفسك)
– كمل حتى يتحقق تكافؤ الفرص وعدالة ونزاهة المنافسة (( وأبسط مؤشراتها، يلعب “نادي المنظومة بتاعهم” في الإسماعيلية زي أي فريق أخر على الأقل ))
-كمل .. حتى يتحقق اللي بدأت بسببه موقفك دا
لان التراجع الآن يعني .. الفشل
