تعليق ناري من أحمد عفيفي بعد فوز الزمالك على الأهلى بالأمس

علق الإعلامى أحمد عفيفي على فوز الزمالك بالأمس على النادى الأهلى فى قمة الكرة المصرية التي جمعت القطبين على أرضية ملعب استاد القاهرة الدولي.

فوز الزمالك على الأهلى

الزمالك فاز بالأمس بنتيجة 2-1 فى القمة، وحتى الآن ردود الأفعال مستمرة على هذا الأمر، وهذه المرة الإعلامى الزملكاوي احمد عفيفي.

وعبر صفحته الشخصية على موقع التواصل “إكس” تويتر سابقاً ” كتب أحمد عفيفي معلقاً على فوز الزمالك بالأمس قائلاً،

‏السواد الاعظم من جماهير الاهلي ميعرفوش مصلحتهم والله، حبيبي انت من مصلحتك ان الزملكاوية يحتفلوا وبشكل مبالغ فيه لأن احتفالهم بيضفي شيء من الجدية على اشياء غير جادة اصلا، الدوري/القمة/المنافسة .. الخ، فلما ترجع تكسب (وانت اكيد هترجع تكسب بمزاجك او غضب عنك) تقدر تفرح بقلب لأن خصمك لما فرح هو اعترف بشكل غير مباشر انه لسه بيعامل الموضوع بجدية

اه مفيش قطبين، الدعم المادي و(غير المادي) بيأكد انهم مش قطبين، بس انت من مصلحتك الناس تفضل عايشة وهم القطبين ده

الزمالك لما بيكسبك مش بيكسب فريق كورة فطبيعي يفرح لأنه شيء غير طبيعي، لكن انت اللي محتاج تسأل نفسك مع أي خسارة لأي ماتش حتى لو ملوش لازمة: هل تقسيمة ٨٠/٢٠ لسه كافية ولا نخليها ٩٠/١٠ عشان نضمن اكتر؟
شغل مخك هتعرف انك المفروض تطمن اكتر ان غيرك لسه بيفرح ويزعل، لسه مصدّق

عمري ما شفت ناس مش عارفين مصلحتهم للدرجة دي