بالمراكز : عماد دربالة يتحدث عن تدعيمات الزمالك فى الموسم القادم

علق المحلل الرياضى عماد درباله على صفقات نادى الزمالك المنتظرة فى الموسم القادم.

جمهور الزمالك ينتظر التعاقد مع عدد من اللاعبين لتعويض اخفاق الموسم الحالى على مستوى الاداء والنتائج.

وعبر صفحته الشخصية على موقع التواصل الاجتماعى فيس بوك كتب عماد دربالة قائلاً :

يا زمالكاويه نركز شويه فى الصفقات لو عاوزين نعدل المسار
الحراس صبحى وعواد وتصعيد حارس تالت من القطاع.

باك رايت احمد عيد وياسلام لو نجيب عمر كمال ونصعد واحد من القطاع وشكرا مثلوثى.

المساكين الونش علاء وعبدالمجيد ومحمد طارق.شبانه وزنارى ياخدوا فرصه زياده.عبدالغنى يفضل لانه هينفعنا فى الدفندر وبيلعبها كويس وهو الوحيد فى المساكين اللى بيلعب فى مركزين.

الباك لفت فتوح وسكر رغم عدم اقتناعى بيه بس ناشيء ونحاول نلاقى بديل محلى كويس وشكرا عبدالله جمعه المستكين اللى مش عاوز يطور نفسه.

الدفندرات نستقتل على طارق وامام ويحي جبران ورابعهم عبدالغنى لو اضطرينا وبرشحلكم حسون لاعب طنطا عالمى والباقيين شكرا ونرجع حمدى علاء.

الاجنحه نيمار شيكا زيزو شلبى اللى بدأ يفوق ونحاول نجيب جناح اجنبى او احمد رفعت وياسلام لو نرجع مصطفى فتحى
سيف جعفر لازم يكمل ونحاول مع ناصر ماهر وشكرا بلحاج.

المهاجمين الاتنين سامسون نرجعه توكيل سامسونج ونداى اعاره يمكن يفوق ونسوق الجزيرى.نحاول نجيب اتنين افارقه سفاحين حاجه كدا شبه سامبو وايبوكا مع ناصر منسي واسامه فيصل.

نجيب اتنين افارقه تحت السن فى اى مراكز ناقصه.
كدا عندك فى كل مركز اكتر من بديل وصعدنا ناشئين وسوقنا الخمسه الاجانب.

اعتقد دول افضل اختيارات متاحه انما تقولى ارجع اوباما واجدد لمثلوثى وجزيرى واجيب 5 صفقات بس نبقى بنهزر ونخدع جماهير الزمالك.لو عندك اقتراح مختلف او معترض على حد من الاسماء دى نتناقش.انما تشتم هعصرك انزل منك بلوكات🤣
زمالكاوى وافتخر.