مذكرا الجميع بالراحل أحمد رفعت، خالد طلعت يدافع عن لاعب الزمالك

حرص الناقد الرياضي خالد طلعت الدفاع عن اللاعب ناصر منسي لاعب ومهاجم الفريق الأول لكرة القدم بنادي الزمالك.

اللاعب الذي أضاع فرصة محققة بالأمس في مباراة الزمالك وبلدية المحلة التى انتهت بالتعادل السلبى بدون أهداف.

اللاعب لاقى هجوم جماهيري كبير بعد هذه الفرصة، ليعلق خالد طلعت على هذا الهجوم، مذكرا الجميع بالراحل أحمد رفعت.

وعبر صفحته الشخصية على منصة فيسبوك كتب خالد طلعت مدافعا عن اللاعب،

للأسف الشديد متعلمناش من درس المرحوم أحمد رفعت رغم انه مفاتش عليه أيام قليلة ورجعنا تاني لطبيعتنا ولمساوئنا ولأخطائنا

لما رفعت توفى معظم الصفحات والجماهير والاعلام قالوا انهم مش هيسخروا ولا يتريقوا على حد تاني عشان منسببلوش أذى نفسي

لكن للأسف الشديد الناس نسيت خلاص بعد أيام قليلة ومن امبارح فيه حالة من التنمر والتريقة على ناصر منسي مهاجم الزمالك لمجرد انه اضاع فرصة لتسجيل هدف رغم ان اعظم لاعبي العالم بيضيعوا فرص وبتحصل عادي جدا

أكيد ناصر متضايق جدا انه ضيع الفرصة دي واكيد المدرب عنفه بعد الماتش وغالبا هيمشي من الزمالك اخر الموسم والفرصة دي أكدت على رحيله ، يعني الراجل أصلا مش ناقص كمان الحملة اللي معمولة عليه

النهاردة يوم عاشوراء ويوم صيام وتقرب من ربنا يا ريت نفتكر رفعت واللي حصله ويا ريت نتعلم الدرس ومننساش بسرعة قوي كده