تعليق مذيع قناة الأهلي على هزيمة الأهلى اليوم
فوز الزمالك اليوم على النادى الأهلى فى قمة الكرة المصرية.
علق محمد فارس المذيع بقناة النادى الأهلى الرسمية على فوز الزمالك اليوم على النادى الأهلى فى قمة الكرة المصرية.
وحقق الزمالك فوز على الأهلي منذ قليل بثنائية مقابل هدف سجلها سيف الدين الجزيرى. بينما أحرز هدف الأهلي اللاعب أحمد عبد القادر.
وعبر صفحته الشخصية على ” أكس” تويتر سابقاً ” كتب محمد فارس معلقاً على فوز الزمالك على الأهلى قائلا :
أول فوز للزمالك على الأهلي في الدور الأول من الدوري من ٢١ سنة
احنا مخسرناش بسبب الغيابات اللي هيقول كده يبقى بيضحك على نفسه احنا خسرنا عشان كولر قرر انه ميتعاملش مع الغيابات صح ويعمل كل حاجة غلط في الكورة
بتلعب عمر كمال جناح فتخسر الجبهة اليمين بالكامل وعمر كمال وهاني صفر عرضيات لموديست اللي لعبته عشان العرضيات
بتلعب نيدفيد اللي رجله مش في الملعب
مصمم على طاهر اللي مفيش اي حاجة فنية ورقمية تفسر سبب اصرارك عليه
قولنا لكولر كارثة لو انت مقتنع ان الاهلي فعلا قوي دفاعيا استنادا لكلامك ان في اخر ٥ مباريات في افريقيا طلعنا بشباك نظيفة . وانت ٤ ماتشات من ال ٥ مصطفى شوبير هو نجم المباراة يعني مش نتيجة جودة دفاعك .
سيمبا في ربع النهائي ذهاب وعودة عامل عليك ٣٠ محاولة في رقم مرعب ان فريق يوصل لمرماك بالسهولة دي !! .
انت في الدوري اخر ٧ ماتشات متعادل ٣ ماتشات وخسران ٢ وكسبان ٢ يعني اخدت ٩ نقط من ٢١ نقطة !!!! .
عايز تعرف حقيقتك الدفاعية انت مستقبل ١٠ اهداف في ال ٧ ماتشات دول . ماتشين فقط من اخر ٧ ماتشات في الدوري خرجت فيهم من غير استقبال اهداف
الطبطبة دلوقتي وانكار الواقع نتيجته هتكون نفس اللي حصل قدام البنك وانبي والزمالك .
ماتشين مازيمبي دول محدش هيسامح فيهم ولا حد هيتقبل تلويش واختراعات وتبرير محدش هيتحمل اكتر
