تعليق “جميل” من محمد فارس على تجديد حسين الشحات للنادى الاهلى

علق الاعلامى محمد فارس المذيع بقناة النادى الاهلى الرسمية على تجديد حسين الشحات لاعب النادى الاهلى لعقده مع القلعة الحمراء.

هذا التجديد الى تم بالامس بعقد جديد لمدة 3 سنوات، حرص محمد فارس مذيع قناة الاهلى على التعليق على هذا التجديد.

طالع من هنا ..عاجل وبالتفصيل : حسين الشحات أهلاوى

حسين الشحات الذى رفض عرض مغرى جداً من احد الدوريات فى الخليج، وفضل التجديد والبقاء فى صفوف النادى الاهلى

وعبر صفحته الشخصية على موقع التواصل الاجتماعى تويتر كتب محمد فارس قائلاً :

عشان اللحظات اللي زي دي بحس إن كرة القدم هي لعبة العواطف مش المنطق، هي حكايات الحب والعشق والتضحيات ، هي الانتماء

وعشان كده هفضل أكره جملة ” أصل لو أنت موظف في شركة وجالك عرض أكبر ” . كرة القدم أعقد بمراحل على مستوى المشاعر من جملة سطحية مجردة من الانتماء زي دي.

لو الجملة دي هي القاعدة كان الخطيب سابنا وراح مونشنغلادباخ ، كان تريكة سابنا وراح الهلال السعودي، كان وليد سليمان سابنا وراح بيراميدز . وغيرهم كتير كان قدامهم العرض الأفضل بس معملوش ده لأن الأهلي بالنسبالهم عمره ما كان شركة ده بيت وكيان وشغف وروح وعشق وانتماء.

هقولكم حاجة غريبة تضحية الشحات في المرة دي أكبر بكتير وأعظم بكتير بالنسبالي من التضحية وقت انضمامه للأهلي. لإن وقتها الأهلي كمان ضحى لما دفع فيه أكبر قيمة شراء للاعب في تاريخه وكان بالمقابل الشحات كمان لازم يقدم تضحيات بالمقابل

انما المرة دي مختلفة ، من فترة مش بعيده كان الشحات بيتعرض لكل أنواع النقد والتشكيك وعقده متجددش وكل شيئ مجهول ، ولما جت لحظة التجديد كان في قمة مستواه ومن أهم اللاعبين وعقده انتهى ويقدر يوقع لأي نادي ويمشي مجانًا وعنده عروض بأرقام أضعاف اللي هياخده معاك لنهاية مسيرته لو جدد

بس قصاد كل ده اختارك انت ، اختار بقلبه ، وانا بشوف والدة الشحات بتقوله وقع يا حسين الأهلي بيتنا ، انا سامع في خلفية المشهد والد ابو تريكة وقت عرض الهلال وهو بيقول لتريكة على الهواء ” محمد الأهلي ده غالي علينا يا محمد احنا مبنسيبش الأهلي وهننهي في الأهلي هو احنا من امتى يا ابني كنا بتوع فلوس “

عشان الحكايات اللي زي دي أنا عشقت الأهلي